Loading…

Manchester United merr ‘vendimin përfundimtar’ për Sanchon pas gjashtë ndeshjeve tek Dortmundi

  • 25/02/2024 | 09:07

Manchester United merr ‘vendimin përfundimtar’ për Sanchon pas gjashtë ndeshjeve tek Dortmundi

Manchester United ka ardhur me një vendim sa i përket të ardhmes së Jadon Sanchos, kanë raportuar mediat së fundmi.


Sancho iu bashkua Borussia Dortmundit në afatin kalimtar të janarit në formë huazimi, pas një sezoni për t’u harruar me Unitedin që e pa atë të përjashtohej nga ekipi i parë.

Reprezentuesi anglez nuk ka luajtur për Unitedin që prej një përplasjeje me trajnerin Erik ten Hag në fillim të shtatorit, pasi tekniku holandez tha se arsyeja pse Sancho nuk luajti ndaj Arsenalit kishte të bëjë me paraqitjet e tij në stërvitje.

Por, që prej kalimit në Dortmund, Sancho ka pasur vështirësi që të gjejë formën e tij më të mirë. Teksa sulmuesi ka regjistruar një asistim në debutimin e tij ndaj Darmstadit, ai ka luajtur pesë ndeshje që atëherë, duke dështuar që të shënojë gol ose të bëjë ndonjë asistim.

Ani pse huazimi tek Dortmundi nuk përfshin opsionin e blerjes, Football Insider ka pretenduar se Unitedi e ka në plan shitjen përfundimtare të Sanchos këtë verë

Klubi i Ligës Premier thuhet se do të pajtohet me shitjen e tij në rast se klubet tjera bëjnë ndonjë ofertë e cila plotëson kushtet e tyre

Sipas kontratës së tij me “Djajtë e Kuq” e cila skadon në 2026, Sancho dyshohet se kishte përfituar rreth 290 mijë euro në javë.

Që prej se ishte transferuar në “Old Trafford” në 2021 për 72 milionë euro, 23-vjeçari kishte arritur të shënonte vetëm 12 gola dhe kishte kontribuar me gjashtë asistime./Telegrafi/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë