Maqedonët qe një muaj po protestojnë kundër shqiptarëve

E ashtuquajtura “Iniciativa për Maqedoni të përbashkët” ka vazhduar protestat kundër platformës së partive shqiptare dhe kundër zgjedhjes së një shqiptari për kryetar të Kuvendit të Maqedonisë.

Në ditën e 32-të, protesta në Shkup si zakonisht filloi nga Qeveria, ku protestuesit kërkuan edhe organizimin e zgjedhjeve të parakohshme parlamentare, ashtu siç po kërkon edhe partia e Gruevskit.

Masës së protestuesve iu drejtuan dy ish-kryeparlamentarët Lubisha Georgievski dhe Savo Klimovski, të cilët kërkuan organizimin e një peticioni nga qytetarët dhe të dorëzohet në Bashkimin Evropian.

Ata gjithashtu propozuan që organizatorët e protestës të formojnë programin e tyre dhe të kërkojnë zgjidhjen çështjeve të ngecura në gjysmë me datë dhe kohë të caktuar.