Maqedonia nën tension, vazhdojnë thirrjet për dhunë (Foto)

Situata politike në Maqedoni, vazhdon të jetë e tensionuar. Shtetet e Bashkuara të Amerikës dhe Bashkimi Europian, janë duke i bërë presion lidershipit politik atje, që të pranojë vullnetin e shumicës, në mënyrë që LSDM dhe partitë politike shqiptare të formojnë qeverinë.

Në anën tjetër, mbështetësit e VMRO-DPMNE’së dhe grupet tjera nacionaliste atje, nuk po pajtohen që shqiptarët të marrin më shumë të drejta, ashtu siç e parasheh marrëveshja e koalicionit që për kryeministër do të ketë liderin e LSDM’së, Zoran Zaev, shkruan gazetametro.net.

Në rrjetet sociale nuk kanë të ndalur thirrjet e protestuesve, nga shoqata patriotike maqedonase dhe nga huliganët që të enjten e kaluar ishin pjesë e protestës së dhunshme dhe një pjesë e madhe mori pjesë në rrahjen e deputetëve.

Vazhdimisht po publikohen thirrje për dhunë, dhe fyerje ndaj shqiptarëve. /gazetametro.net