Loading…
Maqedonia përfitoi më së shumti nga vendosja e taksës kundër mallrave të Serbisë
  • 11/03/2019 | 08:21

Maqedonia përfitoi më së shumti nga vendosja e taksës kundër mallrave të Serbisë

Për rreth 33.8 për qind ka rënë importi nga vendet e CEFTA-s gjatë muajit shkurt të këtij viti, krahasuar me muajin e njëjtë të vitit 2018. Nga 38 milionë e 764 mijë e 684 euro sa ishte importuar në shkurt të vitit të kaluar, importi ka rënë në 25 milionë e 661 mijë e 407 euro gjatë shkurtit të këtij viti.

Shkak i rënies së importit nga këto vende është vendosja e taksës prej 100 për qind për produktet me origjinë nga Serbia dhe Bosnjë-Hercegovina në nëntor të vitit të kaluar, shkruan sot “Koha Ditore”.

Për dallim nga importi, eksporti me vendet e CEFTA-s ka shënuar rritje prej 23 për qind. Nga 8 milionë e 296 mijë e 11 euro në shkurt të 2018-s, ai është rritur në 10 milionë e 211 mijë e 487 euro apo gati 2 milionë euro më shumë.

Bazuar në të dhënat e Doganës së Kosovës, rënia e importeve nga vendet e CEFTA-s ka ndikuar që të ketë rritje të importit nga vendet e Bashkimit Evropian. Vlera e importit nga vendet e BE-së arrin vlerën rreth 100 milionë apo 55 për qind më shumë sesa që ishte në shkurt të 2018-s. Gjermania, Sllovenia, Italia dhe Bullgaria janë shtetet nga të cilat Kosova importon më së shumti.

Më të fundit
...
  • 20/05/2019 | 23:38
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë