Loading…

Maqedonia Veriore konfirmon 12 vdekje të reja nga COVID-19

  • 04/01/2022 | 17:17

Maqedonia Veriore konfirmon 12 vdekje të reja nga COVID-19

Sipas Institutit të Shëndetit Publik, në 24 orët e fundit në Maqedoninë Veriore janë regjistruar 1.197 të infektuar nga 7 mijë e 483 teste të realizuara. 12 pacientë kanë ndërruar jetë, 6 prej të cilëve nga Shkupi dhe Manastiri.


Nga 27 dhjetori 2021 e deri më 2 janar të këtij viti janë testuar gjithsej 35.362 qytetarë prej të cilëve pozitiv kanë rezultuar 2.643 persona nga 34 qytete të ndryshme. Siç raportojnë nga Instituti kjo shënon rritje të infeksionit për 37.6 % krahasuar me javën paraprake.

Mes tjerash, ky raport tregon se me COVID-19 janë përfshirë të gjitha grup- moshat. Më të prekur janë ato të moshës 30-49 vjeç ndërsa numër më i vogël i të prekurve është regjistruar të grup mosha 0-9 vjeç.

Sa i përket gjinisë, ajo femërore është e përfshirë me 51.1% ndërsa ajo mashkullore me 48.9 %. Gjatë kësaj periudhe kohore kanë ndërruar jetë 57 pacientë në 16 qytete të ndryshme.

Kur bëhet fjalë për vaksinimin, nga Instituti i Shëndetit publik bëjnë të ditur se deri më 31 dhjetor 2021 me dozën e parë të vaksinës janë vaksinuar 858.682 persona.

Me dozën e dytë janë vaksinuar 832.120 qytetarë ndërsa me dozën e tretë të vaksinës janë vaksinuar gjithsej 103.052 qytetarë./ Alsat.mk

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë