Loading…

Mbahet kampi i gjyqtarëve fillestarë të basketbollit

  • 07/07/2020 | 16:30

Mbahet kampi i gjyqtarëve fillestarë të basketbollit

Më 4 dhe 5 korrik në sallën e sporteve të Fakultetit të Shkencave Sportive në Prishtinë është mbajtur Kampi i Gjyqtarëve Fillestarë, të cilët do të licencohen para fillimit të edicionit 2020-2021 dhe do të jenë pjesë e nominimit në ndeshjet e kategorive të reja.


“Organizimi i Kampit intensiv të gjyqtarëve ka pasur efektin shumë pozitiv, pasi që është mbajtur në një ambient shumë të mirë, duke na ofruar të gjitha kushtet në sallën e sportit për punën praktike, si dhe pajisjet tjera përcjellëse të siguruara nga FBK-ja”, është shprehur FIBA Instruktori Nacional i Gjyqtarëve, Faton Kurshumlija.

“Të gjithë gjyqtarët kanë qenë shumë aktivë gjatë punës të cilën e kam udhëhequr, duke komunikuar në mënyrën më te mirë dhe duke parashtruar pyetje nga rregullat e basketbollit dhe mekanika 2 PO”, shtoi tutje Kurshumlija.

Pjesëmarrës kanë qenë 10 gjyqtarë, si dhe pesë gjyqtarë nga SHGJFBK-ja kanë asistuar në punën e FIBA Instruktorit Nacional të Gjyqtarëve.

Të gjithë pjesëmarrësit kanë respektuar distancën dhe rekomandimet e nevojshme, kurse FBK-ja ka siguruar mjetet higjienike si dhe një shujtë (drekë) ushqimore.

Me përfundimin e këtij kampi të gjithë kandidatët pjesëmarrës kanë treguar aftësi, talent dhe njohuri shumë të mira nga loja e basketbollit dhe i kanë plotësuar kushtet për licencimin nga FBK-ja me titullin gjyqtarë fillestarë, ka treguar Kurshumlija.

Gjyqtarët pjesëmarrës pas licencimit në qytetin e tyre do të kenë Mentorin, një nga gjyqtarët me përvojë, që do të përcjell punën dhe avancimin e tyre.

Ky grup i gjyqtarëve fillestarë hynë në gjeneratën që kanë potencial shumë të madh, pasi që të gjithë janë ish- ose ende janë lojtarë aktivë të basketbollit.

Në këtë Kamp, SHGJFBK-ja ka nominuar për asistim në punën praktike gjyqtarët:

Temat të cilat i janë prezantuar gjyqtarëve kanë qenë:

– E shtunë, Dita 1

– Mekanika 2 PO

– Sinjalizimi gabimeve personale dhe sinjalizimi i shenjave zyrtare

– Situatat T call foul

– Situatat L call foul

– Ndërrimi i vendeve

– Posedimi i alternuar

– Prezantimi i procesverbalit të ndeshjes

-E diel, Dita 2

– Sinjalizimi i numrave të lojtarëve nga 00-99

– Vendosja dhe ekzekutimi i gjuajtjeve të lira

– Gjykimi dhe sinjalizimi i shkeljeve (driblim i dyfishtë,skadim i kohës,shkelje ne hapa etj)

– Kriteri i gabimeve personale dhe josportive (C1,C2,C3,C4 dhe C5)

– Situatat e Cilindrit të rregullt

– Pas ndeshjes (mbajtja dhe organizimi i evaulimit)

– Pyetjet nga gjyqtarët

-Mbyllja e Kampit dhe njoftimi me procedurat e licencimit

/gazetametro.net/

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë