Loading…

Mbi 500 punëtorë të Trepçës nuk i kanë marrë pagat e muajit gusht

  • 15/09/2019 | 16:09

Mbi 500 punëtorë të Trepçës nuk i kanë marrë pagat e muajit gusht

Gjigandi metalurgjik i Kosovës, “Trepça”, që sipas matjeve të vitit 2017, vlera e tokës, objekteve, pajisjeve dhe inventarit kap vlerën prej 330 milionë euro, nuk po ka para për t’i paguar tërë punëtorët e saj.

Trepça ka një staf më të gjerë se vetëm minatorët, ajo ka stafin administrativ, sigurimin, stafin e njësive biznesore, duke përfshirë punëtorët e industrisë kimike, fabrikës së akumulatorëve e ata të pajisjeve përcjellëse.

Kanë kaluar më shumë se dy javë që kur muaji gusht ka përfunduar, por për një pjesë të madhe të punëtorëve të Trepçës kanë kaluar më shumë se një muaj e gjysmë që në llogaritë bankare nuk janë depozituar paratë e djersës së tyre.

E faktin se rrogat e punëtorëve ende nuk janë lëshuar, e ka konfirmuar edhe Kryetari i Sindikatës së Punëtorëve të Trepçës, Shyqyri Sadiku. I kontaktuar nga Express, ai ka thënë se rrogat për muajt e kaluar janë dhënë por për muajin gusht jo.

“Realisht deri tani i kemi marrë rrogat për muajt paraprak, për muajin gusht nuk i kemi marrë” tha Sadiku.

Ai tregoi se rrogat janë lëshuar vetëm për minatorët të cilët punojnë nën nivelin mbikëqyrës ndërsa ata që punojnë mbi atë nivel, duke përfshirë sigurimin, njësitë biznesore, administratën, fabrika e industri të ndryshme nuk janë paguar.

“Nga niveli mbi mbikëqyrës e lartë nuk i kanë marrë pagat. Këtu përfshihen njësitë si sigurimi, njësitë biznesore që përfshihen industria kimike, fabrika e akumulatorëve dhe pajisjeve përcjellëse. As administrate nuk i ka marrë pagat” deklaroi ai.

Mungesa e pagës së muajit gusht, ka bërë që rreth 500 punëtorë të mbesin pa të hollat të cilat i meritojnë.

“Këtu nuk përfshihen 500 persona që punojnë në minierë, e që i bie që numri i personave që nuk janë paguar të jetë rreth 500” tha Sadiku.

Ligji për Trepçën u miratua më 7 tetor të vitit 2016 në Kuvendin e Kosovës me 79 vota për dhe 14 abstenime. Ky ligj e përcakton se qeveria është pronare e 80% të aksioneve.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë