Mblidhet kryesia e LDK’së, Abdixhiku: Në dialog u bën lëshime të mëdha, po shndërrohen dhe në kushte obligative integruese për Kosovën

Kryetari i Lidhjes Demokratike të Kosovës (LDK), Lumir Abdixhiku, ka njoftuar se sot kryesia e kësaj partie ka mbajtur mbledhjen e radhës ku u diskutuan zhvillimet e fundit në vend, shkruan Gazeta Metro.

Abdixhiku në Facebook, tha se theks të veçantë në takim pati tema e dialogut dhe lëshimet e mëdha të bëra në këtë proces.

Ai tha se këto lëshime, përveç se humbje e një mundësie për avancim substancial të pozicionit shtetar të Kosovës.

“Këto lëshime, përveç se humbje e një mundësie për avancim substancial të pozicionit shtetar të Kosovës, tashmë po shndërrohen dhe në kushte obligative integruese për vendin tonë; adaptimi me të cilat do të jetë sa i pashmangshëm aq edhe sfidues”, ka shkruar Abdixhiku.

Kujtojmë që LDK është njëra nga partitë opozitare e cila e ka kundërshtuar planin europian. /gazetametro.net