Mblidhet LDK, Haziri: Kosovës i duhet stabilitet politik dhe rikthim i normalitetit

Nënkryetari i Lidhjes Demokratike të Kosovës (LDK), Lutfi Haziri, ka theksuar se Kosova ka nevojë për një klimë të qëndrueshme politike dhe funksionim normal të institucioneve, transmeton Gazeta Metro.

Deklarata e tij u bë para mbledhjes së Grupit Parlamentar të LDK-së, në prag të seancës së paraparë për konstituimin e legjislaturës së re të Kuvendit të Kosovës.

“Ne sot e kemi takimin e Grupin Parlamentar, nesër është konstituimi i Kuvendit, legjislatura e re.Koha po thërret që të ndërtohet normalitet, stabilitet politik në këtë Republikë. Roli ynë është me dhënë këtë kontribut. Tani gjithçka varet nga zhvillimi i bisedimeve”, tha Haziri./gazetametro.net