Mbyllen dy lokale të lojrave të fatit, arrestohet një person

Mbrëmë në Prizren është arrestuar një person, gjatë kontrollit në dy lokacione të ndryshme të lojrave të fatit, në të cilët janë ushtruar veprimtari në mënyrë të kundërligjshme.

I arrestuari ka refuzuar urdhërat e personave zyrtarë, të cilët kërkuan hapjen e një dere të fshehur të një dhome. Gjatë kontrollit të asaj dhome, policia ka gjetur dhe konfiskuar katër aparate të lojërave të fatit të pa licensuara.

Personi i arrestuar nga policia me urdhër të prokurorit është dërguar në mbajtje.

“Njësiti policor NJRHKEK ka zbatuar planin operativ,, Lloto’’ në bazë të urdhëresë se Gjykatës Themelore e në bashkëpunim me doganat e Kosovës , inspektoret Komunal dhe Inspektoret e ATK-se , kanë bërë bastisjen në dy lokacione te ndryshme te lojërave te fatit  ne te cilët janë ushtruar veprimtari në mënyre të kundërligjshme”, thuhet në raportin 24 orësh nga Policia e Kosovës.

Gjatë kontrollit njësiti policor ka mbyllur këto dy lokacione dhe gjatë bastisjes ka konfiskuar kompjuterë dhe dëshmi të tjera lidhur me ushtrimin e këtyre veprimtarive.

“Të dy lokacionet janë mbyllur ndërsa janë konfiskuar kompjuterë dhe dëshmi të tjera lidhur me ushtrimin e këtyre veprimtarive”, thuhet në raport.