Mbyllet përkohësisht Ambasada e Kosovës në Francë 

Ambasada e Kosovës në Francë ka njoftuar se do të mbyllet për publikun nga data 7 prill deri në njoftimin e rradhës nga qeveria franceze, për shkak të situatës më COVID-19, shkruan Gazeta Metro.

Ky vendim ka ardhur pas vendosjes së masave kufizuese ndaj Covid-19 nga shteti francez.

Njoftimi i plotë:

Ambasada e Republikës së Kosovës në Paris ju informon se për shkak të masave të reja të vendosura nga qeveria franceze për ta parandaluar përhapjen e COVID-19, Ambasada do të jetë e mbyllur përkohësisht për publikun nga nesër 7 prill deri në marrjen e një vendimi të ri nga autoritetet vendore.

Ambasada do të vazhdoj të ofroj shërbime të cilat mund të kryhen nga distanca si dhe të përgjigjet në telefonatat tuaja.

Për rastet e natyrës urgjente, ju lutem të na kontaktoni në numrin emergjent të Ambasadës: +33 (0)6 72 88 10 22./gazetametro.net