Loading…

Me çmimet e reja të rrymës për tarifën e ulët, kosovarët do të paguajnë aq sa paguajmë tash për tarifën e shtrenjtë

  • 20/01/2022 | 15:41

Me çmimet e reja të rrymës për tarifën e ulët, kosovarët do të paguajnë aq sa paguajmë tash për tarifën e shtrenjtë

Me propozimin e ZRrE-së për rritjen e tarifave të energjisë elektrike për konsumatorët shtëpiakë, kosovarët do ta paguajnë 14 cent kilovatin për tarifën e lartë dhe 6 cent kilovatin për tarifën e ulët. Këto çmime të rrymës do të aplikohen për ata që e tejkalojnë konsumin mbi 600 kWh.


Çmimet aktuale janë 6.75 cent kilovati në tarifën e shtrenjtë dhe 2.89 cent kilovatin për tarifën e lirë.

Por tash me çmimet e reja nëse një konsumator shtëpiak shpenzon më shumë se 600 kWh rrymë, kilovatët e shpenzuar pas shifrës 600 do t’i paguajnë 14 cent në tarifë të lartë dhe 6 cent në tarifë të ulët.

Sipas propozimit të Zyrës së Rregullatorit për Energji, tarifat e reja të energjisë elektrike, nëse miratohen, do të fillojnë të aplikohen nga 1 shkurti.

Këto tarifa do të jenë të aplikueshme deri më 31 mars të vitit 2023.

Bllok-tarifat që ishin hequr në vitin 2017 tani ZRRE ka propozuar të aplikohen sërish. Konsumatorët që shpenzojnë deri në 800 kWh në muaj fatura e tyre do të rritet për 12.31 euro ndërkaq ata që shpenzojnë deri 1000 kWh në muaj, fatura e tyre do të rritet për 24.62 euro.

Sot në Kuvendin e Kosovës, opozita ka kritikuar qeverinë lidhur me shtrenjtimin e rrymës për konsumatorët shtëpiakë, teksa nga qeveria kanë deklaruar se është e pashmangshme shtrenjëtimi i rrymës marrë parasysh çmimin e lartë të energjisë elektrike që importohet e të cilën Kosova e ka të pamundur ta prodhojë dhe të njëjtën duhet ta blejë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë