Loading…

Mediat turke zbulojnë detaje të reja nga transferimi i Muriqit te Lazio: Paga milionëshe e kosovarit

  • 30/10/2020 | 10:59

Mediat turke zbulojnë detaje të reja nga transferimi i Muriqit te Lazio: Paga milionëshe e kosovarit

Vedat Muriqi muaj më parë ka kompletuar transferimin tek skuadra e madhe italiane Lazio.

Pas bisedimeve të stërzgjatura mes dy klubeve, Lazio arriti ta bind Fenerbahcen për ta lënë të lirë sulmuesin e Kosovës.

Muriqi tanimë ka filluar të luaj për klubin kryeqytetas italian, derisa ai vazhdon të jetë në qendër të vëmendjes në Turqi.

Së fundmi mediumi turk ‘Miliyet’, ka publikuar edhe pagat e futbollistëve turq ose atyre që janë larguar nga kampionati elitar turk dhe janë aktualisht në Serie A.

Muriqi është në mesin e më të paguarëve, derisa Miliyet ka zbuluar fillimisht që Lazio ka paguar 17,5 milionë euro për kartonin e lojtarit.

Gjithsesi ky medium ka zbuluar edhe pagën vjetore të Muriqit, pagë që është 2,2 milionë euro neto në sezon.

Kjo e bënë atë ndër lojtarët më të paguar në Serie A që kanë kaluar nga kampionati turk.

Vetëm ylli i Milanit, Hakan Calhanoglu fiton më shumë se Muriqi në sezon që kanë lidhje me futbollin turk, pasi mesfushori ka një pagë prej 2,5 milionë eurove në sezon.

26-vjeçari ka luajtur deri më tani në katër ndeshje për Lazion, kryesisht duke u inkuadruar nga banka rezervë.

Por ai ende është në kërkim të golit të parë, pasi në 114 minuta sa ka luajtur në total ende nuk e ka shijuar golin me fanellën e Biancocelestëve.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë