Memli Krasniqi me videomesazh, fton qytetarët të ‘Marshojnë për Drejtësi’
-
31/03/2023 | 16:34
Kryetari i Partisë Demokratike të Kosovës, Memli Krasniqi, me një video mesazh në rrjetin social Facebook, u ka bërë thirrje qytetarëve që të dalin të dielën në organizimin “Marsh për Drejtësi” në sheshet e kryeqytetit, në shenjë solidarizimi me ish-krerët e Ushtrisë Çlirimtare të Kosovës të cilët po mbahen në Hagë, shkruan Gazeta Metro.
Krasniqi tha se ai dhe familja e tij do të jenë në sheshet e Prishtinës të dielën në 0ra 14:00.
Ai ftoi të gjithë për pjesëmarrje në këtë marsh, dhe tha ndjehemi krenar me historinë, të vërtetën dhe Ushtrinë Çlirimtare të Kosovës.
Postimi i plotë:
Më 2 prill, në orën 14:00, unë bashkë me familjen time do të marshojmë në sheshet e Prishtinës për të kërkuar drejtësi.
Ju ftoj secilin prej jush, që të gjithë së bashku, të “Marshojmë për Drejtësi”, duke u ndjerë krenarë me UÇK-në, me të vërtetën dhe me historinë tonë!/gazetametro.net
