Loading…

Mendoj se Serbia do ta njoh Kosovën, por do të kërkohen kompromise nga të dy palët, thotë Kupchan

  • 29/11/2022 | 21:03

Mendoj se Serbia do ta njoh Kosovën, por do të kërkohen kompromise nga të dy palët, thotë Kupchan

Charles Kupchan, nga Këshilli amerikan për Marrëdhënie me Jashtë, beson se dialogu do të përfundoj me njohjen e Kosovës nga Serbia, pavarësisht se sa i gjatë do të jetë ky proces.


Ai për tëvë1 tregon se palëve në këtë fazë do t’iu kërkohen kompromise serioze.

Profesori nga Georgetown University, Charles Kupchan, beson se Qeveria e Kosovës veproi mirë që dëgjoi kërkesat e Shteteve të Bashkuara të Amerikës për shtyrjen e vendimit për targa.

Sipas profesorit, nuk do të ishte e arsyeshme që të shkaktoheshin probleme për çështjen e targave, prandaj ai thotë se tani është momenti i duhur  të bëhen lëvizje të mëdha në kuadër të dialogut mes Kosovës dhe Serbisë.

Kupchan, problemin kryesor e sheh tek Serbia që akoma nuk është e gatshme ta njoh pavarësinë e Kosovës.

“Problemi mes të dyja vendeve  nuk është tek çështja e targave, por tek mungesa gatishmërisë së Serbisë që ta njoh Kosovën si shtet të pavarur. Mendoj se Qeveria e Kosovës veproi mirë që dëgjoi këshillat e Shteteve të Bashkuara të Amerikë që ta shtyje vendimin për targa. Nuk do ishte e mençur të shkaktoheshin probleme për targat e makinave, prandaj  pajtohem me Kryeministrin Kurti që tha se duhet të ndërmerren hapa të mëdhenj që të përfundoj ky proces”, tha ai.

Ish-këshilltari i Presidentit Biden, mendon se në këtë fazë të dialogut duhet të ketë një përfshirje edhe më aktive të SHBA-së në dialog. E njohjen e Kosovës nga Serbia ai e sheh të nevojshme, pavarësisht se një gjë e tillë nuk parashihet në propozimin franko-gjerman.

Ai tregon se në fazën finale do të ketë kompromise serioze nga të dyja palët.

“Mendoj se në këtë proces të komplikuar duhet përfshirje më e madhe nga Shtetet e Bashkuara të Amerikës. Duhet të ketë një koordinim të ngushtë mes SHBA-ve dhe Bashkimit Evropian sepse nuk ka rrugë tjetër. Jam i bindur në fund të këtij procesi Kosova do të njihet nga Serbia, por duhet keni parasysh se do të kërkohen kompromise serioze nga të dyja palët. Qeveria e Serbisë dëshiron me çdo kusht të siguroj një formë autonomie për serbët që jetojnë në Kosovë”, shtoi Kupchan.

Kryeministri Kurti ka deklaruar se plani franko-gjerman është bazë e mirë për diskutime të mëtutjeshme drejt arritjes së marrëveshjes përfundimtare me Serbinë, kurse presidenti serb Vuçiq është treguar deri më tani më i rezervuar karshi këtij plani.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë