‘Mendova se ishte dron’: Trump ndal fjalimin pasi pa një zog që lëvizte në qiell

Një moment i pazakontë i presidentit amerikan Donald Trump është kthyer në viral në rrjetet sociale, pasi ai ndërpreu papritur një fjalim duke menduar se mbi të po fluturonte një dron i dyshimtë, transmeton Gazeta Metro.

Pak sekonda më vonë, rezultoi se objekti që i kishte tërhequr vëmendjen nuk ishte asgjë tjetër veçse një zog.

“Mendova se ishte një dron. I prodhojnë në të gjitha madhësitë këto ditë. Mund të jenë shumë shkatërrues”, deklaroi Trump.

Trump është i njohur për adresimin e shpeshtë të debateve për “dronin misterioz” që kohët e fundit kanë qenë një temë e nxehtë në SHBA.

Pasi ka bërë deklarata të mëparshme në lidhje me mjete ajrore të paidentifikuara të vërejtura në New Jersey dhe rrethinat e tij, Trump pretendoi se qeveria di më shumë rreth incidentit.

Në deklaratat e kaluara, Trump ka argumentuar se pamjet misterioze të dronëve mund të përbëjnë një “kërcënim për sigurinë kombëtare” dhe ka sugjeruar që në disa raste, këto mjete duhet të rrëzohen./gazetametro.net

🦅🇺🇸😅Trump got scared because he mistook the bird for a drone. pic.twitter.com/oSkhIHVEnJ

— Savchenko Volodymyr (@SavchenkoReview) May 12, 2026