Mërgim Berisha ia bëri ‘sefte’ me Gjermaninë: Kështu u paraqit për 15 minuta ndaj Perusë
-
25/03/2023 | 23:46
Sulmuesi që e refuzoi Kosovën për Gjermaninë, Mërgim Berisha, ka debutuar kundër Perusë dhe ka luajtur për 15 minuta, transmeton Gazeta Metro.
Berisha përkundër përpjekjeve siç u tha të Kosovës për ta bindur atë për të përfaqësuar vendin e origjinës nuk e zgjodhi këtë opsion. Ai refuzoi ftesën e ‘Dardanëve’ dhe pranoi atë të ‘Pancerave’.
Sonte ëndrra me gjasë iu bë realitet në minutën e 75’të kur hyri në vend të sulmuesit, Niclas Fullkurg, që shënoi dy golat e fitores për kombëtaren e tij.
Paraqitja e Berishës u vlerësua me notën (6.6) nga faqja e specializuar e statistikave ‘SofaScore’.
Ai bëri 12 prekje të topit, shtatë pasime (29% i saktë), katër duele (një doli fitues) dhe shkaktoi një ndërhyrje të palejuar.
24-vjeçari debutoi në një miqësore, pasi Gjermania si organizatore e ‘Euro 2024’ nuk merr pjesë në kualifikime.
A do të paraqitet ndonjëherë në ndeshje kompetitive? Të presim e të shohim. /gazetametro.net
