Merr fund gjithçka: Joshua fiton me vendim të gjyqtarëve kundër Franklin
-
02/04/2023 | 00:32
Ka përfunduar meçi mes Anthony Joshua dhe Jermaine Franklin, transmeton Gazeta Metro.
Me vendim unanim të gjyqtarëve ka fituar Joshua.
Ai nuk e kishte aspak të lehtë kundër boksierit amerikan, i cili në 12 raunde diti t’i nxjerrë mjaft probleme 33-vjeçarit.
Për një nuancë ‘AJ’ ishte më i mirë, megjithatë në disa raste edhe Franklin ka ditur të tregohet i rrezikshëm.
Me këtë fitore të Joshua, tani është e mundshme përballja mes dy britanikëve, Tyson Fury – Anthony Joshua.
Kujtojmë se ky ishte rikthimi i parë në ring i Joshua pas dy humbjeve radhazi nga kampioni aktual botëror i peshave të rënda, Oleksandr Usyk.
‘AJ’ i kishte humbur brezat e artë të versioneve WBA, WBO dhe IBF, ndërsa sonte për herë të parë garoi në një meç që nuk është i vlefshëm për kampion botëror që nga viti 2015. /gazetametro.net
