Loading…

Mesazhi i papës për Trump: Amerika të shqetësohet për të varfërit

  • 21/01/2017 | 16:01

Mesazhi i papës për Trump: Amerika të shqetësohet për të varfërit

Papa Françesku i dërgoi sot urimet më të mira presidentit të ri Donald Trump duke u lutur që vendimet e tij të drejtohen nga vlerat e pasura shpirtërore dhe etike të popullit amerikan, me një shqetësim për të varfërit.


“Lutem që vendimet tuaja të drejtohen nga vlerat e pasura shpirtërore dhe etike që kanë modeluar historinë e popullit amerikan dhe nga angazhimi i kombit tuaj për përparimin e dinjitetit njerëzor dhe lirinë në botë”, shkruan papa në një mesazh për Donald Trump.

“Nën presidencën tuaj, statura e Amerikës të vazhdojë të matet në radhë të parë nga shqetësimi për të varfërit dhe ata që kanë nevojë”, shtoi ai.

Papa garantoi gjithashtu se “do të lutet që Zoti t’i japë mençuri dhe forcë Trump në ushtrimin e funksioneve të tij”.

Presidenti i 45-të i SHBA-së, Donald Trump bëri sot betimin mbi biblën dhe mbajti fjalimin e tij para Kapitolit në Uashington.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë