Loading…

Mesfushori francez pranon të ulë pagën për t’u rikthyer te Milani

  • 08/08/2020 | 14:02

Mesfushori francez pranon të ulë pagën për t’u rikthyer te Milani

Mesfushori francez Tiemoue Bakayoko është shumë pranë rikthimit te Milani, skuadër në të cilën luajti plot 42 ndeshje në sezonin 2018-2019, kur u huazua nga londinezët e Chelseat, që kanë edhe pronësinë e kartonit të tij.

Futbollisti 26-vjeçar është rikthyer në Londër, pasi i ka përfunduar huazimi te Monaco, por nuk do të qëndrojë gjatë në kryeqytetin anglez, pasi nuk bën pjesë në planet e trajnerit Franck Lampard dhe po kërkon për një tjetër sistemim.

Sipas mediave italiane, agjentët e mesfushorit kanë folur me Maldinin e Massarën dhe kanë rënë dakord që të ulin pagën në 3 milionë euro për sezon, me qëllim që Bakayoko të riveshë fanellën kuqezi, ndërsa tani po negociohet me Chelsean.

Londinezët kërkojnë 20 milionë euro për kartonin e mesfushorit francez, ndërsa Milani ka ofruar huazim me detyrim blerjeje verën e ardhshme, për një shifër maksimale prej 15 milionë eurosh dhe nuk ka ndërmend të paguajë më shumë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë