Loading…

Mesfushori i Man United bëhet viral: Shikoni pasimin katastrofal nga ai kundër Brentford

  • 14/08/2022 | 17:30

Mesfushori i Man United bëhet viral: Shikoni pasimin katastrofal nga ai kundër Brentford

Sezoni i ri i Premier League për Manchester United nuk ka filluar në mënyrën e duhur. Dje ‘Djajtë e Kuq’ u mposhtën 4-0 nga Brentford, kurse javën e kaluar pësuan disfatë në shtëpi edhe nga Brighton. Për të mos qenë e gjitha kjo të gjitha repartet që nga portieri e në sulm nuk po kalojnë aspak momente të mira, transmeton Gazeta Metro.


Problem mjaft i madh te skuadra e drejtuar nga Erik ten Hag shihet mesfusha, ku qysh nga fillimi i afatit kalimtar të transferimeve po mendojnë të sjellin në ‘Old Trafford’ holandezin, Frenkie de Jong.

Pse po këmbëngul aq shumë trajneri holandez për mesfushorin e Barcelonës tregon ky pasim i mesfushorit, Scott McTominay në ndeshjen e djeshme kundër Brentford.

Ai në fund të takimit atëherë kur ‘Djajtë e Kuq’ po synonin të shënonin të paktën golin e nderit, bëri një pasim kastastrofal i cili është bërë viral në rrjetet sociale dhe ka marrë reagime të shumta nga tifozët.

Në mënyrë ironike një fanse e futbollit në Twitter ka shpërndarë videon e pasimit dhe ka shkruar: ”Scott McTominay është lojtari im i preferuar i të gjitha kohërave.”

Përveç Frenkie de Jong për të cilin është raportuar se marrëveshja mes dy klubeve është arritur dhe po pritet vetëm përgjigja pozitive nga ana e lojtarit, Manchester United janë afër të nënshkruajnë edhe me mesfushorin e Juventusit, Adrien Rabiot. /gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë