Loading…

Meta e quan vagabond Ramën: Unë jam Ilir Rexhep Metaj, kam lindur 1000 metra mbi nivelin e detit

  • 10/08/2022 | 22:18

Meta e quan vagabond Ramën: Unë jam Ilir Rexhep Metaj, kam lindur 1000 metra mbi nivelin e detit

Kryetari i zgjedhur i Partisë së Lirisë, Ilir Metaj ka shpërthyer sot në akuza ndaj kryeministrit Edi Rama të cilin e ka quajtur si “vagabond”, “hajdut” dhe “mashtrues”, ndër të tjera.


Meta tha se Rama s’mund të bëjë si i fortë, ndërsa nuk ngurroi t’i kujtojë atij disa episode nga rinia.

“Ai ka edhe hallin e identitetit tim”, tha Meta gjatë takimit me strukturat e partisë, duke shtuar “Unë s’e kam ndryshuar asnjëherë emrin”.

“O vagabond, ne jemi popull i Mujo Ulqinakut, jemi popull i Vojo Kushit! Ore vagabond, ti ke idhull Pablo Eskobarin dhe gjithë të tjerët.

More vagabond që të dhunonin të gjithë të fortët e lagjes, dhe sot i ke vënë në poste të gjithë të fortët. Në gjithë Shqipërinë këta komandojnë, intelektualët janë kthyer në kukulla.

Edhe prokurorëve dhe gjykatësve u ka vënë patronazhistë. Kush është ky? Ky bën si i fortë? Meqënëse ka dhe merakun e identitetit tim.

Ka hallin e kam unë mbiemrin Meta apo Metaj. Unë asnjëherë se kam ndryshu as emrin, as mbiemrin as babën nuk e kam denoncu. Dhe unë jam Ilir Rexhep Metaj, dhe jam krenar që kam lindur 1000 metra mbi nivelin e detit”, tha Meta.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë