Meteorët ndriçojnë qiellin

Një mundësi tejet e bukur për të nisur 2017-ën, kjo falë spektaklit madhështor që do pushtojë qiellin, me atë që njihet si shiu i meteorëve, apo kuadrantida.

Në janar të këtij viti do të mund të shijojmë pak nga ky fenomen jo aq i njohur.

Hëna e re në orët e para të 3 dhe 4 janarit do të ofrojë kushte te favorshme shikimi, kur një mesatare prej 120 meteorësh në orë pritet të ndriçojnë qiellin e natës.

Këtë vit Alaska dhe Hawai do jenë vendet nga ku dushi i meteorëve do të mund të vëzhgohet më qartë, e ku ata që kanë fat do të mund të shohin se si disa herë brenda një minute qielli do të ndriçojë nga meteorë të shndritshëm që do të flakërijnë për një moment para se të zhduken.

Shiu i meteorëven ndodhë çdo vit në fillim të janarit, dhe konsiderohet si një nga rrymat më të fuqishme të meteorëve. /gazetametro.net