Loading…

Mijëra napolitanë para stadiumi në nderim të legjendës Maradona

  • 27/11/2020 | 09:03

Mijëra napolitanë para stadiumi në nderim të legjendës Maradona

Ndonëse nuk lejohen në shkallë, tifozët e Napolit u grumbulluan përreth stadiumit të qytetit, që tani e në vijim do të mbajë emrin e legjendës Maradona, për të bërë homazhe për njeriun që shkroi historinë me fanellën e klubit dhe që u nda nga jeta një ditë më parë.

Mijëra napolitanë u grumbulluan përreth stadiumit në prag të ndeshjes mes Napolit e Rijekës, ndërsa menjëherë pasi në fushë u mbajt një minutë heshtje në nderim të kujtimit të Maradonës, jashtë shpërtheu një kor i jashtëzakonshëm duartrokitjesh.

Nuk munguan flakadanët, brohorimat dhe kënga tashmë e famshme “Ho visto Maradona” (Kam parë Maradonën), që u këndua në kor nga të gjithë të pranishmit përreth stadiumit.

Diego Armando Maradona veshi fanellën e Napolit për 7 vite, në periudhën 1984-1991 dhe arriti të fitojë dy tituj kampionë me të kaltrit, duke shkruar historinë e klubit dhe duke u shndërruar në një idhull për të gjithë napolitanët.

Menjëherë pas vdekjes së tij, me nismën e presidentit të Napolit Aurelio De Laurentiis dhe miratimin e menjëhershëm të autoriteteve lokale të qytetit, nisën procedurat për ndryshimin e emrit të stadiumit nga “San Paolo” në “Maradona”.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë