Miku i shqiptarëve, ish presidenti kroat ndalon ekstradimin e Ballistit në Serbi (Foto)

Ballisti i famshëm i dronit të Beogradit në ndeshjen historike në futboll Serbia – Shqipëria është ndaluar në Kroaci ku u hap procedurë edhe për ekstradim në Serbi. Por, falë miqësisë shqiptaro – kroate, dhe personaliteteve si ish presidenti Stjepan Mesic, Ismail Morina, nuk do të përfundojë prapa grilave serbe.

Mesic thuhet se është angazhuar vet, që të mos lejojë ekstradimin e Ballistit në Serbi.

Lajmin e ka bërë të ditur Naim Murseli, këshilltar dhe person i afërt i biznesmenit kosovar Behgjet Pacolli, shkruan gazetametro.net.

Ai, përmes një njoftimi në Facebook, dhe një fotografie ku shihet bashkë me Mesicin dhe Pacollin, ka thënë se “Ballist Morina përfundimisht nuk do të ekstradohet në Serbi. Kjo falë miqëve tonë kroat. I lumtë mikut tim për angazhimin e tij”, ka shkruar Murseli, në përshkrimin e fotos, ku ai shihet me Mesicin dhe Pacollin në aeroplanin privat të këtij të fundit. /gazetametro.net