Loading…

Ministri australian tregon ‘diagnozën’ e nervozizmit të Macronit

  • 29/10/2021 | 10:35

Ministri australian tregon ‘diagnozën’ e nervozizmit të Macronit

Kohëve të fundit, Franca ka reaguar ashpër ndaj disa shteteve për shkak të veprimeve të tyre. Pjesë e mosmarrëveshjeve me këtë vend ishin Shtetet e Bashkuara, Britania e Madhe, Australia e Polonia. Një zyrtar i lartë australian e një biznesmen britanikë besojnë se e dinë “diagnozën” e nervozizmit të Francës.

Ministri australian i Mbrojtjes, Peter Dutton, ka thënë se shfaqja e vazhdueshme e zemërimit nga presidenti francez, Emmanuel Macron, mund të jetë e lidhur me zgjedhjet në Francë, të cilat do të mbahen në pranverën e vitit të ardhshëm.

Dutton tha të premten në mëngjes se qeveria e tij e kupton zemërimin e Macronit, por gjithashtu sugjeroi se presidenti francez mund të jetë duke luajtur me çështjet e ndjeshme politike brenda vendit, shkruan The Guardian, transmeton Gazeta Express.

“Shikoni, mos harroni, gjithashtu, që Franca ka zgjedhje në prill të vitit të ardhshëm. Prandaj, politikanët dhe zgjedhjet gjithmonë përbëjnë një përzierje interesante. Mendoj se posa ta kalojmë këtë vitin e ardhshëm, kam shpresë se mund të vazhdojmë me hapat për normalizimin e marrëdhënieve, por kjo është situata për momentin”, tha ai.

Franca ka thënë se është tradhtuar, ka marrë thikë në shpinë dhe është mashtruar me vendimin e Australisë për t’u tërhequr nga marrëveshja për prodhimin e nëndetëseve franceze. Vlera e marrëveshjes arrinte deri në 90 miliardë dollarë australianë.

Ministri australian nuk është i vetmi që mendon se Macroni po i jep zor për shkak të zgjedhjeve të vitit të ardhshëm.

Barrie Deas, kryetar i Federatës Kombëtare të Organizatave të Peshkatarëve në Britaninë e Madhe, thotë se Franca duket se është e vendosur për ta eskaluar mosmarrëveshjen për lejet e peshkimit me Mbretërinë e Bashkuara para zgjedhjeve presidenciale, kur Presidenti Macron pritet të synojë një mandat të ri në prill.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë