Loading…

Ministri britanik flet për Asociacionin: S’bëhet fjalë për krijimin e një enklave një-etnike në Kosovë

  • 31/01/2023 | 17:32

Ministri britanik flet për Asociacionin: S’bëhet fjalë për krijimin e një enklave një-etnike në Kosovë

Deputetja britanike e cila kryeson edhe Komitetin për Punë të Jashtme, Alicia Kearns sot në Parlamentin Britanik ka ngritur çështjen e dialogut Kosovë-Serbi dhe Asociacionit.


Kearns ka shkruar se ndjehet e çliruar pasi ka dëgjuar nga përfaqësuesit e Qeverisë britanike se nuk mbështesin krijimin e një enklave serbe në Kosovë.

Ajo ka shtuar se është e rëndësishme që të mos rrënjoset etno-nacionalizmi në Ballkan.

“Shumë e lehtësuar kur dëgjova Qeverinë të konfirmojë se nuk do të mbështesë krijimin e një enklave serbe në Kosovë. E rëndësishme është që ne të mos e rrënjosim më tej etno-nacionalizmin në Ballkan”, ka shkruar Kearns

Në fjalimin e saj Kearns dëgjohet teksa shpreh shqetësim meqë sipas saj përmes propozimit franko-gjerman po synohet krijimi i një enklave në Kosovë në stilin e “Republika Srpskas”.

Pas kësaj ka folur edhe përfaqësuesi i Qeverisë britanike, ministri për Evropën, Leon Docherty duke thënë se e ndan të njëjtin shqetësim me deputeten Kearns sa i përket Asociacionit dhe thotë se s’bëhet fjalë për krijimin e një enklave një-etnike në Kosovë.

Qëndrim të njëjtë ka pasur edhe ambasadori britanik në Kosovë, Nicolas Abbott teksa ka komentuar organizimin e Shteteve të Bashkuara të Amerikës ku është diskutuar për Asociacionin.

“Një diskutim i mirëseardhur sot organizuar nga ambasadori amerikan me një pjesëmarrje të shkëlqyer. Përmes dialogut, Kosova është zotuar për krijimin e Asociacionit të komunave me shumicë serbe dhe i takon palëve të bien dakord për formën dhe kohën e krijimit të saj. Ne inkurajojmë Qeverinë që të bëjë progres në të dyja këto. Një organ i tillë nuk është vetëm një angazhim ndërkombëtar, por gjithashtu ofron një mundësi që serbët e Kosovës të jenë pjesë integrale e Kosovës. Kosova është një vend multietnik dhe komunat e tij do të mbeten multietnike”, ka thënë Abbott.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë