Loading…

Ministri serb, Stefanovic kërcënon: Morina do të dënohet herët a vonë për krimet që bëri

  • 14/08/2019 | 19:09

Ministri serb, Stefanovic kërcënon: Morina do të dënohet herët a vonë për krimet që bëri

Serbët janë zhgënjyer me fqinjët jugor të tyre e sot u shfryen pas njoftimit të lirimit të veteranit të luftës çlirimtare në Kosovë, Tomor Morinës, që u ndalua në Maqedoninë Veriore me fletëarrest të Serbisë dhe përfundimisht u lirua sot, shkelje e të drejtës ndërkombëtare u ankuan serbët mes tjerash, si zakonisht, transmeton Gazeta Metro.


“Maqedonasit shkelën parimet e të drejtës ndërkombëtare dhe kanë lënduar rëndë kujtimin e të gjitha viktimave të pafajshme” tha Ministri i Punëve të Brendshme të Serbisë, Nebojsa Stefanovic duke paragjykuar dhe akuzuar se gjyqësori i Maqedonisë Veriore qenka ndikuar dhe se vendimi i tyre nuk do të mund të kishte me drejtësi, kur nuk ju shkon vendimi sipas dëshirës së tyre.

Nuk ka asnjë arsyetim për lirimin e dikujt që është i dyshuar për krime lufte ndaj popullatës civile të lirohet, në vend se të përgjigjet për vdekjen e shumë njerëzve të pafajshëm, njoftoi në deklaratën e publikuar ministri serb, Stefanovic.

Sipas tij është e papranueshme që në raste të tilla cili do pushtet që udhëheqë me politika të tilla të përzihet në drejtësi, sipas ministrit Stefanovic, pa dyshim ky rast e dëshmon, se përzierja gjithmonë sjellë padrejtësi të re dhe ofendim ndaj viktimave.

Ministri Stefanovic e ankua se edhe fakti se disa media të Prishtinës dhe zyrtarë kishin deklaruar menjëherë se cili do të ishte vendimi, që hedhë dyshim mbi rregullsinë e gjithë procesit, sipas tij.

Në fund njoftimi i ministrit serb e qartësonte se fletëarresti për Tomor Morinën ende është në fuqi, pasi krimet e luftës nuk vjetërsohen, dhe pres që ai kurdo herë do të përgjigjet për krimet e rënda që bëri, porositi Stefanovic./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë