Loading…

Ministria anulon konkursin e drejtorisë së Komunës së Prishtinës

  • 09/02/2017 | 20:50

Ministria anulon konkursin e drejtorisë së Komunës së Prishtinës

Ministria e Arsimit ka anuluar konkursin e komunës së Prishtinës për drejtorët e institucioneve parashkollore.


Mirëpo, ndaj këtij vendimi do të ankohen autoritetet e kryeqytetit, njofton Klan Kosova.

“Inspektorati i arsimit ka realizuar dy inspektime, një special në të gjitha institucionet parashkollore dhe një kontrollues në drejtorinë e arsimit. Për të dyja janë nxjerrë procesverbale dhe rekomandime të cilat nuk janë respektuar nga drejtoria komunale e arsimit”, tha inspektorja e Arsimit, Shyhrete Reçica.

Udhëheqësit e institucioneve parashkollore morën detyrën javën e kaluar në bazë të rezultateve të konkursit të shpallur në tetorin e vitit të kaluar, të cilin e anuloi MASHT’i të enjten.

Mirëpo, drejtoresha e Arsimit në Komunën e Prishtinës, Arbërie Nagavci, deklaroi se do ta kontestojë çdo vendim të institucionit kryesor në vend.

“Ministria e Arsimit nuk ka kompetencë për të anuluar konkurse dhe nuk do të duhej të kishte, sepse është Këshilli i pavarur mbikëqyrës të cilët janë kompetentë për tu siguruar për aspektin ligjor në këtë drejtim”, tha Arbërie Nagavci.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë