Ministrja e re serbe në Qeverinë e Kosovës fillon punën

Ministrja e re serbe në Qeverinë e Kosovës, Mirjana Jevtic ka filluar të hënën punën në Ministrinë e Administrimit të Pushtetit Lokal.

Më këtë rast, Ministrja Jevtic, e shoqëruar nga Shefja e Stafit të Kryeministrit, Vlora Dumoshi, u prit nga Zëvendësministri i MAPL-së, Bajram Gecaj dhe Sekretarja e Përgjithshme e MAPL’së, Rozafa Ukimeraj. Emërimi i Jevtic në këtë pozitë qeveritare ka ngjallur regim tek serbët, në radhë të parë, pasi ajo vjen aty, pas shkarkimit të ministrit paraprak, Ljubomir Maric, dhe së dyti shkaku i disa fotografive të saj të postuara në rrjetet sociale.

Mediat serbe duke komentuar këto foto, kanë ngritur dyshimin nëse kjo ministre është e denjë për t’i përfaqësuar serbët lokal në qeverinë e Kosovës. /gazetametro.net