Loading…

Ministrja Haxhiu flet për vërejtjen e BE’së sa i përket ‘Vettingut’

  • 20/10/2021 | 23:20

Ministrja Haxhiu flet për vërejtjen e BE’së sa i përket ‘Vettingut’

Ministrja e Drejtësisë Albulena Haxhiu ka folur për vetingun dhe vërejtjet në Raportin e Progresit për këtë çështje.  Në emisionin “DPT te Fidani”, Haxhiu tha se ka ‘mungesë të informacioneve për vetingun”.

“Sa i përket çështjes së vettingut unë po e shoh që ka mungesë të informacioneve për faktin se ne tani së voni kemi miratuar një koncept dokument në qeveri dhe tani jemi duke bërë planet për themelimin e grupit që i përgatit amandamentet kushtetuese dhe ligjet për vetingun në sistemin e drejtësisë”, tha Haxhiu.

“E para vetingu s’do të jetë i njëhershëm. Këtu thuhet se do të jetë i njëhershëm çka nënkupton se një herë do të vlerësohen gjyqtarët dhe prokurorët dhe pastaj çka ndodh me ta asgjë askujt. Kjo nuk do të ndodh për faktin se ne planifikojmë veting të njëhershëm dhe të vazhdueshëm dhe të përhershëm”, shtoi ajo.

“Mekanizmat aktual nuk po funksionojnë si duhet, ata duhet të fuqizohen por pasi të bëjmë një verifikim nga mekanizmi i jashtëm të gjyqtarëve dhe prokurorëve pastaj mekanizmat fuqizohen dhe do të jenë të instaluara përbrenda sistemit të drejtësisë”, tha Haxhiu.

“Ne ia kemi thënë këto shqetësime ambasadorit të BE’së në Kosovë edhe me zyrtarë të lartë të BE’së që kemi pasur takime të përbashkëta dhe ata natyrisht që kanë rezerva për vetingun”, shpjegoi Haxhiu.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë