MINT e vazhdon edhe për 30 ditë masën për rregullimin e çmimit të naftës

Ministria e Industrisë, Ndërmarrësisë, Tregtisë dhe Inovacionit, ka marrë vendim për të vazhduar masën e përkohshme të çmimeve të derivateve të naftës.

Vazhdimi do të bëhet edhe për 30 ditë, e cila bëhet siç thotë ministria, me qëllim të mbrojtjes së konsumatorëve dhe garantimit të çmimeve të arsyeshme në treg.

‘’ Vendimi është marrë pas monitorimit të vazhdueshëm të tregut dhe analizës së të dhënave të Doganës së Kosovës, nga të cilat rezulton se çmimet e importit të derivateve nuk kanë shënuar ulje. Po ashtu, analizat kanë treguar se lëvizjet e çmimeve në tregjet ndërkombëtare reflektohen në tregun vendor kryesisht kur ato rriten, ndërsa uljet nuk përcillen në mënyrë të plotë ose ndodhin me vonesë’’, thuhet në njoftim mes tjerash.