Mirlind Daku ‘reagon’ pasi nuk u ftua nga Kosova, bën një postim ‘thumbues’ në rrjetet sociale

Sulmuesi kosovar, Mirlind Daku, duket se me një postim në Facebook ka reaguar pas publikimit të listës së të ftuarve nga Kombëtarja e Kosovës për dy ndeshjet e para të kualifikimeve për Kampionatin Europian 2024, transmeton Gazeta Metro.

Ai menjëherë pasi u mësuan 26 futbollistët e ftuar nga përzgjedhësi, Alain Giresse, bëri një postim siç duket ironizues.

Sulmuesi që po shkëlqen me skuadrën e Mura’s në Slloveni ka postuar dy ’emoji’, megjithatë nuk ka shkruar asgjë.

Daku nuk është në mesin e të ftuarve nga selektori francez.

Kujtojmë se muajin e kaluar ishte raportuar që Daku ka arritur marrëveshje me Federatën e Futbollit të Shqipërisë për ta përfaqësuar Shqipërinë në të ardhmen. Por, kjo nuk është konfirmuar asnjëherë nga futbollisti.

Ndryshe, ish-sulmuesi i Ballkanit është golashënuesi më i mirë në Superligën e Sllovenisë me 14 gola në 28 paraqitje, teksa ka dhuruar edhe një asistim.

25-vjeçari kishte qenë pjesë e grupmoshës U21 të Kosovës, ndërsa debutimin me kombëtaren A të ‘Dardanëve’,  e kishte bërë në nëntor të vitit 2020. /gazetametro.net

Kualifikimet për Euro 2024: Kosova publikon listën për dy ndeshjet e marsit