Modeli elektrik i Porsche’s

Një veturë tërësisht elektrike Porsche mund të jetë po aq e popullarizuar sa modeli 911 në të ardhmen. Shefi gjeneral i Porsche, Oliver Blume, thotë se kompania e tij pret që porositë për modelin e ri elektrik Mission E të vërshojnë.

“Kemi llogaritur që për tipin Mission E do të marrin rreth 20 mijë porosi në vit”, thotë Blume, transmeton Gazeta Metro.

Prodhuesi gjerman i makinave shiti në gjithë botën 31 mijë e 350 makina të tipit Porsche 911 vetëm vitin e kaluar, kështu që 20 mijë për modelin elektrik duket numër shumë ambicioz.

Makina me motor elektrik me 600 kuajfuqi e arrin shpejtësinë prej 100 kilometrash në orë për 3.5 sekonda. Modeli i së ardhmes mund të kalojë gati 500 kilometra me vetëm një mbushje 15 minutëshe të baterisë. /gazetametro.net