Moderatori dërrmoi serbët: E vratë dikë në Srebrenicë, Kosovë? Vodhët ndonjë frigorifer, unazë a dhëmb ari?

Zeljko Veljkovic moderatori serb i Newsmax Adria në Serbi ishte aq i ashpër e i drejtpërdrejtë me të nisur emisionin sa tronditi publikun me disa pyetje therëse që i djegin sedrën e tyre, transmeton Gazeta Metro.

Aq keq i sulmoi Veljkovic me të vërtetën diku reaguar me indinjatë të thellë për qëndrimin serb që refuzon se ishin ata që sollin fatin e tyre me krimet që i bënë për shkak të iluzionit fashist të ndërtuar nga regjimi serb atëkohë, e që regjimi i tanishëm po vazhdon të e mohojë.

“Mirëmbrëma. Ku ishit në të nëntëdhjetat? Sa fshatra dogjët? A sollët në shtëpi së paku një frigorifer, unazë a ndonjë dhëmb të praruar? E keni vrarë së paku një njeri në Srebrenicë. A e groposët ndonjë shqiptar në varrezë masive? Apo ndoshta atyre viteve keni humbur dikë tuajin në Bosnje, Krajinë, në Kosovë? Kur prisnit në rresht për sheqer a bukë, e rrogat i këmbenit për pesë marka, e markat për benzinë bullgari. Atëherë kur ishit të varfër, siç janë të shumtë sot, kur shikonit si disa po pasuroheshin e ndërtonin vila, siç bëjnë edhe sot.”

“E të tillë duan që asgjë mos të ndryshojë, që edhe kur është vështirë të fshihen pas popullit. E kjo po bëhet vështirë e më vështirë. Në ndërkohë, kudo në fqinjësi erdhën disa të rinj në pushtet që duan të pastrojnë gjërat nga e shkuara e përbashkët, e ne po na sundojnë ata të njëjtit, që tani po ju shtohen armiqtë kudo përreth. Po thoni Vulini? Eh sikur të ishte ai vetmi…” tha Veljkovic./gazetametro.net