Mogherini bënë bashkë pozitë e opozitë

Përfaqësuesja e lartë e Bashkimit Evropian Federica Mogherini, do të mbledh nesër në një takim të përbashkët të gjithë krerët e partive politike.

Ajo, do t’i takojë ata në zyrat e Bashkimit Evropian, shkruan Gazeta Metro.

Kjo konfirmohet edhe tek agjenda e Mogherinit, ku thuhet se në ora 11:00 ajo do të takojë udhëheqësit e partive politike.

Prezencën për gazetametro.net e ka konfirmuar edhe Lëvizja Vetëvendosje. Lideri i kësaj partie Visar Ymeri, do të jetë në këtë takim.

Ndërsa edhe në agjendën e kryeministrit Isa Mustafa, është shënuar për takimin me Mogherinin dhe udhëheqësit e partive tjera.

Burime të Gazeta Metro, bëjnë me dije po ashtu se takimi do të jetë i përbashkët, derisa do të flitet për temat aktuale.  /gazetametro.net