Mona Liza ishte prostitutë?

Modelja e pikturës më të famshme në botë, ishte prostitutë e paguar me çmim të lartë, e cila madje kishte bërë seks me vëllain e Papës.

Profesori italian, Carlo Vecce, e ka zbuluar sekretin skandaloz derisa gjurmonte identitetin e vërtetë të Mona Lizës, transmeton Express.

Pasi që i ka kontrolluar shumë letra dhe ditarë të artistit Leonardo da Vinci, hulumtimi i Vecces më në fund është shpaguar. Ai e ka zbuluar një letër të njërit prej nxënësve më të famshëm të artistit, ku Mona Liza emërohet si Isabella Gualandi, e cila ishte lindur në Napoli në vitit 1491.

Isabella e dashur kishte pasur aferë me Giullano de Medici, vëllai i Papës Leo X. Profesori i respektuar i Napolit, Vecce pohon se Giullano i kishte dhuruar da Vincit një studio në Vatikan. Më pas e kishte ftuar që ta pikturonte dashnorën e tij (Mona Lizën në këtë rast). Piktura e saj e çmuar tani rri varur pas xhamit të blinduar në Louvre në Paris.