Mos e nënvlerësoni këtë: Trupi tregon kur kalciumi në gjak është i ulët

Hipokalcemia është gjendja kur niveli i kalciumit në gjak bie shumë, duke rrezikuar funksionet themelore të trupit.

Në format e lehta, mund të shfaqë ngërçe muskulore, thonj të brishtë, lëkurë të thatë dhe ndryshime në flokë. Në rastet e rënda, mund të shkaktojë spazma të forta muskulore, çrregullime të ritmit të zemrës, kriza epileptike dhe probleme neurologjike.

Shkaqet më të shpeshta janë hipoparatiroidizmi, mungesa e vitaminës D dhe dëmtimi kronik i veshkave. Diagnoza bëhet përmes analizave të gjakut dhe, në disa raste, EKG-së.

Trajtimi zakonisht përfshin suplemente kalciumi dhe vitamina D, dhe në rastet serioze, kalcium intravenoz. Kur zbulohet dhe trajtohet në kohë, hipokalcemia është e kontrollueshme, por forma e rëndë mund të jetë kërcënuese për jetën.