Loading…

Mos ekzekutimi i pagave, AAK: Vendimi i qeverisë është të paktën skandaloz

  • 03/10/2022 | 20:44

Mos ekzekutimi i pagave, AAK: Vendimi i qeverisë është të paktën skandaloz

Aleanca për Ardhmërinë e Kosovës e ka quajtur “skandaloz” vendimin e qeverisë për t’i mos ekzekutuar pagat për mësimdhënësit.


“Vendimi i qeverisë për të penalizuar mësimdhënësit grevistë është të paktën skandaloz. Duke shkelur të gjitha ligjet në fuqi, qeveria e mashtrimit, gënjeshtrës, injorancës dhe arrogancës, përpos sjelljeve të panatyrshme për një qeveri gjatë grevës, ajo ka vazhduar me ndëshkimin e atyre që nuk mendojnë si ajo”, thuhet në komunikatë.

Ky subjekt politik thotë se “shtypja e atyre që mendojnë ndryshe, është cilësi e regjimeve autokratike e diktatoriale”.

“Kjo ndodh në Kosovë, pasi që i tërë pushteti ndodhet në dorën e një njeriu”.

AAK ka akuzuar qeverinë se po “kërkon armiq të brendshëm”.

“Qeveria e cila nuk ka realizuar as 5% të planit të punës e as 3% të investimeve kapitale, po kërkon armiq të brendshëm, te sindikata e opozita, te mësimdhënësit, personeli shëndetësor, administrata publike, Policia e zjarrfikësit.”

Në komunikatë thuhet se mësimdhënësit grevistë e kanë përkrahjen dhe zotimin e AAK-së që nuk do të ndalen së kundërshtuari këtë vendim.

“Mësimdhënësit grevistë, e kanë përkrahjen tonë dhe zotimin tonë që nuk do të ndalemi së kundërshtuari këtë vendim jonjerëzor, e nëse në këtë mandat nuk do të kemi mundësi e numra që të ndryshojmë diçka për të mirën e tyre, atëherë qeverisja e ardhshme e Aleancës, do të kompensojë secilin, ashtu siç kemi kompensuar gjatë mandatit tonë edhe mësuesit e viteve ’90të.”

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë