Mot me vranësira dhe borë

Instituti Hidrometeorologjik i Kosovës ka parashikuar mot kryesisht të vranët dhe me reshje të borës të cilat fillimisht do ta përfshijnë veriun e vendit, dhe më tej gjithë territorin e Kosovës.

Temperaturat minimale do të shënojnë vlerat nga -6 deri -4 gradë Celsius, kurse temperaturat maksimale do të lëvizin ndërmjet -3 deri -1 gradë Celsius, transmeton gazetametro.net.

Reshjet më intensive parashihen të jenë në veri-perëndim të vendit dhe në jug-perëndim, por edhe pjesë tjera do të kenë reshje por të intensitetit më të ulët.

Do të fryjë erë nga veriu dhe verilindja me shpejtësi nga 2-9m/s. /gazetametro.net.