Moti përgjatë ditëve në vazhdim: Këto temperatura do të mbizotërojnë në vend

Prishtina Weather, ka njoftuar se gjatë ditës së nesërme pritet të ketë mot i ndryshueshëm, ku do të ketë reshje të shiut dhe të borës, shkruan Gazeta Metro.

---

Ndërsa pasnesër paradite kryesisht me diell, pasdite vransirat shtohen e priten rrebeshe shiu edhe me ndonjë bubullimë, në mbrëmje reshje bore.

Postimi i plotë:

Ditën e enjte të gjitha stinët brenda një dite, diell, shi e bubullimë, vonë në mbrëmje edhe borë. Nga dita e diel ditë të akullta.

1.02.2023 – Mot i ndryshueshëm po parashihet për ditën e enjte, paradite do të kemi intervale më të gjata me diell.  Ditën priten zhvillime të vransirave, që shoqërohen edhe me rrebeshe shiu dhe bubullima, e vonë në mbrëmje reshje bore.  Ditën e premte nuk parashihen kushte për të reshura.

Ditën e shtunë, sërish priten të reshura shiu, madje vende-vende edhe shi i akullt, e kohëpaskohe edhe reshje bore, sidomos orëve të mbrëmjes me rënie të temperaturave.  Nga dita e diel mot i acartë me ditë të akullta, ku temperatura maksimale mund të mos kaloj mbi 0C.

Indeksi do të jetë kryesisht në vlera të pranueshme ditëve të ardhshme, sidomos ditën e shtunë, derisa orëve të mbrëmjes shkaku i kushteve më të qeta, ndotësit koncentrohen pranë sipërfaqes, e indeksi kalon në vlera të dobëta.

2.02 – Paradite kryesisht me diell.  Pasdite vransirat shtohen e priten rrebeshe shiu edhe me ndonjë bubullimë.  Në mbrëmje reshje bore.

3.02 – Intervale më të gjata me diell paradite, pasdite vransira kalimtare.

4.02 – Vransira të ndryshueshme, kohëpaskohe me shi, shi të akullt dhe reshje bore.

5.02 – Acar, kryesisht me vransira, e mundësi për reshje të dobëta bore.

6.02 – Kryesisht me diell dhe acar.

Temperaturat maksimale arrinë deri në 8C e 10C ditën e enjte, e zbresin deri ditën e diel në 0C, ndërsa ato minimale nga 0C e -2C, nga fillimi i javës së ardhshme zbresin edhe deri në -8C e -10C.

Pritet të fryjë erë mesatare dhe mesatarisht e fuqishme nga perëndimi e veriperëndimi 5-12m/s, të shtunën me hove edhe mbi 15m/s.

Shtypja atmosferike në rritje lartë mbi vlera normale. /gazetametro.net