Loading…

Muller për Topin e Artë: Urime Messit, por Lewandowski e meritonte më shumë

  • 01/12/2021 | 16:09

Muller për Topin e Artë: Urime Messit, por Lewandowski e meritonte më shumë

Thomas Muller beson që Robert Lewandowski duhet të ishte fituesi i Topit të Artë, ku këtë të fundit e fitoi ylli argjentinas Lionel Messi.


Messi fitoi Topin e Artë numër shtatë në karrierën e tij, pas sukseseve me Barcelonën dhe Kombëtaren e Argjentinës, ku i dha fund periudhës 28 vjeçare pa titull në nivel kombëtareje, pavarësisht startit jo të mirë me klubin e Paris Saint-Germain.

34 vjeçari ka regjistruar vetëm një gol për PSG në shtatë ndeshje të Ligës 1 Franceze këtë sezon, ndërsa Lewandowski ka shënuar 25 gola në 20 paraqitje në të gjitha garat këtë sezon për Bayernin.

Rreth kësaj situate ka reaguar bashkëlojtari i Lewandowskit te Bayerni Thomas Muller, i cili ka thënë që sulmuesi polak e ka merituar më shumë Topin e Artë se Lionel Messi.

“Nga një pikëpamje si ‘Bavarez’, si një polak dhe nga një pikëpamje gjermane, prezantimi i Topit të Artë padyshim që ishte dëshpërues”, tha Muller.

“Lionel Messi ndoshta është individualisti më i mirë që ka prodhuar bota e futbollit. Kështu që e përgëzoj Lionel në triumfin e Topit të Artë, edhe pse unë mendoj që Robert Lewandowski kësaj radhe e meritonte më shumë”, shtoi mesfushori gjerman.

Vitin e kaluar, respektivisht në sezonin 2020/21 çmimi i Topit të Artë nuk u dhurua për shkak të pandemisë Covid-19, në të cilin qartazi favoritë kryesorë ishte Robert Lewandowski, edhe këtë vit Thomas Muller mendon që meritori për këtë çmim është ylli polak.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë