Loading…

Mungesa e rërës mund t’i vonojë vaksinat për COVID-19, ja pse

  • 06/03/2021 | 13:10

Mungesa e rërës mund t’i vonojë vaksinat për COVID-19, ja pse

Bota është duke u përballur me mungesë të rërës, paralajmëruan ekspertët. Në Shtetet e Bashkuara janë më pak se 1.000 miniera për nxjerrjen e rërës.


Nëse nuk e keni ditur, pas ujit, rëra është materiali i parë më i përdorur, sepse bën pjesë në prodhimin e xhamit, betonit, asfaltit dhe madje edhe të çipave me silikon, shkruan Daily Mail.

Vetëm industria e ndërtimtarisë përdor deri në 50 miliardë tonë rërë në vit dhe kërkesa për këtë material pritet të rritet, sepse botës i nevojiten dy miliardë shishka për vaksinat kundër Covid-19 në dy vitet e ardhshme.

Mungesa e rërës do të mund të ndikonte në prodhimin e shumë produkteve, duke nisur nga ndërtesat deri te telefonat e mençur. Kjo mund të ndikojë edhe në vonesa gjatë prodhimit të shishkave për vaksina.

“Ne thjesht mendojmë se rëra është gjithkund. Kurrë nuk kemi menduar se mund të mbesim pa të, por kjo po fillon në disa vende”, thotë Pascal Peduzzi, shkencëtar i klimës nga Programi për Mjedisin i Kombeve të Bashkuara.

Sasia e përdorimit të rërës në industrinë e ndërtimtarisë tani është 300 për qind më e lartë sesa 10 vjet më parë dhe për zëvendësimin e saj, lumenjve të tërë botës u nevojiten dy vjet.

Dukuria e shtimit të rërës në prodhim pritet të vazhdojë, sepse kërkesa për të po rritet shkaku i urbanizimit, rritjes së popullsisë dhe zhvillimit të infrastrukturës.

Më të fundit
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë