Muri është irritues dhe monstrum

Deputeti i LDK’së, Sadri Ferati, në debatin që është duke u zhvilluar në Kuvendin e Kosovës për murin në veri, ka theksuar muri është irritues dhe është një monstrum.

“Këto ditë është paraqitë një mur dhe është bërë një debat i madh, por gjithçka ishte irrituese me ndërtimin e murit. Jam i sigurt, se ky muri ka një mesazh dhe flet diçka. Neve përnjëherë na mbin një mur, ai është një monstrum kur shikohet nga jugu, dhe parqet politikat reale nga pjesa e atyre që e kanë ndërtuar. Për ta bërë më të frikshme, serbët kanë paraqitë këtë mur, pra për frikë. Muri është vetëm një produkt i vogël i asaj gjendje reale që bëhet në atë pjesë të veriut”, tha Ferati.

Ferati ka shtuar se nuk i kontribuojnë situatës me deklarata me eufori, prandaj, bëri thirrje për “të gjithë bashkë për një Kosovë të integruar me të drejta të barabarta edhe në veri të Mitrovicës”/gazetametro.net