Muriqi përlotet pasi mposhti Real Madrid, shokët e nderojnë e i kushtojnë golin Kosovës

Ishte vet llogaria e La Liga që publikoi xhirimin prekës të sulmuesit kosovar pas ndeshjes që ishte i prekur pas golit. Në xhirim shihet bashkëlojtari që i afrohet e bërtet “Për Kosovën”, transmeton Gazeta Metro.

“Lotët e Vedat Muriqit janë të të gjithëve në Mallorca”  shkruante La Liga në rrjete sociale. Por ajo që shqiptarëve u bie në sy është respekti që kanë bashkëlojtarët e tij për Vedatin.

Ishte Johan Mojica që ju afrua dhe në përqafim ishte ai që bërtiste dhe dedikonte golin e fitores nga Muriqi për Kosovën që u mposht nga Turqia rishtas.

Pas ndeshjes Muriqi nuk u përmbajt dhe shprehu zhgënjimin e tij dhe dhimbjen pas një periudhe të rëndë.

“Kanë kaluar dy javë… megjithëse mund të dukem i ashpër dhe i shëmtuar nga jashtë, edhe unë jam njeri. Ndonjëherë nervat dhe emocionet më mposhtin. Sapo kam humbur një penallti, pastaj kam humbur në playoff, kam humbur Kupën e Botës, ëndrrën më të madhe të jetës sime. Dhe papritmas, një gol fantastik. Faleminderit shumë, tifozë, e vlerësoj mbështetjen tuaj, më bën të lumtur. Do të vazhdojmë të luftojmë për Mallorca”./gazetametro.net

❤ Las lágrimas de @MuriqiVedat son las lágrimas de todo el @RCD_Mallorca.

MallorcaRealMadrid | LALIGAHighlights | LALIGAEASPORTS pic.twitter.com/bwDIf181gz

— LALIGA (@LaLiga) April 4, 2026