Loading…

Mustafa: Ata që e thyen qafën për listën e VV’së, s’mund ta marrin flamurin e Rugovës me vete

  • 03/02/2021 | 18:17

Mustafa: Ata që e thyen qafën për listën e VV’së, s’mund ta marrin flamurin e Rugovës me vete

Lideri i Lidhjes Demokratike të Kosovës (LDK), Isa Mustafa ka thënë se ata që janë larguar nga LDK’ja dhe që i janë bashkuar Lëvizjes Vetëvendosje nuk mund të marrin as kulturën e as flamurin e presidentit historik Ibrahim Rugova.

Këto deklarata Mustafa i bëri gjatë hapjes së fushatës zgjedhore në Podujevë.

“Ne me VV’në dhe me ata që janë afër kësaj partie kemi dallime të mëdha ideologjike. Ne dallojmë shumë. Prandaj ata që janë për demokraci janë me ne. Ata që janë për shtet unitar janë me VV’në. Ne do ta bëjmë dallim me kulturën tonë, e Ibrahim Rugovës që nuk mundet me e vjedh askush, e as ata tonët që e kanë thy qafën dhe kanë shku në listën e VV’së s’mund ta marrin. As flamurin e Ibrahim Rugovës e as himnin ‘Kur ka ra kushtrimi në Kosovë”

Ai llapjanëve u bëri thirrje që ta votojnë Avdullah Hotin për kryeministër.“Mos tju shkon mendja me e votu dikë tjetër. Do ti votoni kandidatët për deputet të LDK’së, do ta votoni kandidatin për kryeministër të LDK’së. Ky është fati i Kosovës dhe e ardhmja e Kosovës”, ka thënë ai, raporton Express.

Mustafa foli edhe për sondazhet që po e nxjerrin LVV’së si partinë fituese të zgjedhjeve.

“LDK’ja duhet të fitojë dhe do të fitojë. Ne ia lëmë VV’së sondazhet dhe ne i marrim votat sepse ne e kemi besimin e qytetarit. Ne e kemi qeverisur Kosovën dhe në mënyrën më të mirë. Ne e kemi pasur besimin e qytetarëve dhe i falënderojmë për këtë besim”, ka thënë Mustafa.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë