Loading…

Mustafa i LDK’së përgënjeshtron keq Kurtin e Bulliqin për rrugën Prishtinë-Podujevë

  • 02/11/2021 | 20:25

Mustafa i LDK’së përgënjeshtron keq Kurtin e Bulliqin për rrugën Prishtinë-Podujevë

Deputeti i LDK-së, Besian Mustafa i ka reaguar Qeverisë për punimet në magjistralen Podujevë-Prishtinë.

Kryeministri i Kosovës, Albin Kurti sot tha se punimet në këtë rrugë janë zvarritur mjaftueshëm, teksa do të përfundojnë në vitin e ardhshëm.

Për këtë deklaratë, Mustafa ka thënë se Qeveria u zotua se do t’i përfundojnë punimet vitin e ardhshëm, por buxhetin që e kanë përgatitur vetë, e kanë vlerësuar se punimet vazhdojnë edhe në vitin 2023 dhe 2024 me nga 2 milionë euro.

“Në njërën anë deklaruan rreth zgjerimit të magjistrales Prishtinë-Podujevë se “… në vitin 2022 ne zotohemi që do të përmbyllim komplet punimet…” Në anën tjetër në buxhetin që e kanë përgatitë vet kanë vlerësuar se punimet vazhdojnë edhe në 2023 dhe 2024 me nga 2 milionë euro. Në fakt, për vitin 2022 kanë ndarë më së paku buxhet, vetëm 1 milion”, shkroi në Facebook Mustafa.

Ndryshe, kryeministri i Republikës së Kosovës, Albin Kurti, ka mbajtur sot konferencë së bashku me kryetarin e Podujevës, Shpejtim Bulliqi, rreth punimeve në magjistralen Podujevë-Prishtinë.

“Jemi këtë së bashku me kryetarin Bulliqi, të konstatojmë një zvarritje, përveç që është e dëmshme, është edhe e paarsyeshme, teksa sektori dy do të përfundojë deri në fund të vitit 2021, ndërsa në vitin 2022 ne zotohemi që do të përmbyllim punimet dhe gjithçka tjetër që është e nevojshme, në këtë mënyrë që kjo rrugë që e lidh llapin me kryeqytetin të jetë e përfunduar, dhe njerëzit të mos kenë më vështirësi në këtë trafik kaq të dendur, sikur të ishte në mes të Prishtinës”, potencoi Kurti.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë