Loading…

Mustafa viziton shqiptarët në Bosnje

  • 16/03/2017 | 21:27

Mustafa viziton shqiptarët në Bosnje

Kryeministri i Kosovës Isa Mustafa, gjatë qëndrimit të tij në Sarajevë të Bosnje e Hercegovinës, ku po merr pjesë në takimin e kryeministrave të Ballkanit Perëndimorë ka shfrytëzuar rastin të takojë edhe disa qytetarë nga Kosovë që jetojnë në Bosnje.


Ai, përmes një publikimi në rrjetin social Facebook ka bërë me dije se ka takuar shoqatën e bashkatdhetarëve dhe ka treguar se çfarë ka biseduar me ta.

mustafa-ne-bosnje-shqiptaret-2

“Shkëmbyem pikëpamjet tona për punën, angazhimet, rezultatet dhe shqetësimet e tyre, si dhe për nevojën që sa më parë qytetarët e Kosovës dhe të Bosnjës të lëvizin lirshëm dhe pa ngarkesat e paarsyeshme që ekzistojnë aktualisht. Së bashku me bashkëkombësit tanë në Sarajevë, vizituam edhe Çarshinë si dhe disa prej bizneseve të vogla që ofrojnë shërbime dhe ushqime me kualitet shumë të lartë duke bërë emër shumë të mirë në Sarajevë”, ka shkruar Mustafa.

Për kryeministrin e vendit, diaspora kosovare kudo në botë, përfshirë komunitetin tonë në Sarajevë, është një pasuri shumë e çmueshme për Kosovën, për të cilën Qeveria e Republikës së Kosovës, siç shkruan Mustafa do të rris edhe më tej përkrahjen dhe format e bashkëpunimit të afërt.

“Për Kosovën është fat i madh që e ka një Mërgatë të tillë. Respekt i gjithanshëm”, ka shkruar Mustafa në Facebook. /gazetametro.net

mustafa-ne-bosnje-shqiptaret-3

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë