Loading…

Mutacionet nuk po i mundësojnë koronavirusit të përhapet më shpejt dhe nuk rrezikojnë vaksinën, studimi i ri

  • 25/11/2020 | 20:20

Mutacionet nuk po i mundësojnë koronavirusit të përhapet më shpejt dhe nuk rrezikojnë vaksinën, studimi i ri

Koronavirusi SARS-CoV-2 që shkakton sëmundjen e Covid-19 po pëson mutacion derisa po përhapet në botë gjatë pandemisë, por asnjë prej mutacioneve deri tani të dokumentuara nuk duket se i kanë mundësuar të përshpejtohet përhapja e tij, kanë njofctuar shkencëtarët të mërkurën, transmeton Gazeta Metro.


Në studimin që shfrytëzo grupimin e të dhënave nga të gjenomëve të viruseve nga 46723 persona me Covid-19 nga 99 shtete të botës hulumtuesit identifikuan 12700 mutacione të virusit SARS-CoV-2.

“Fatmirësisht, ne gjetëm se asnjë prej këtyre mutacioneve nuk po përshpejtojnë përhapjen e Covid-19” tha Lucy van Dorp, profesor në Institutin e Gjenetikës të University College London, një prej dy shkencëtarëve udhëheqës në studim.

Ajo shtoi se, megjithatë: “Ne duhet të mbetemi vigjilent dhe të vazhdojmë monitorimin e mutacioneve të reja, posaçërisht me shpërndarjen e vaksinave të reja.”

Viruset dihen se pësojnë mutacione kohë pas kohe, dhe disa – siç janë viruset e gripave- ndryshojnë më shpesh se të tjerët.

Shumica e mutacioneve janë neutrale, por disa mund të jenë në dobi por edhe në dëm të virusit, e disa mund edhe t’i dobësojnë efektin e vaksinave. Kur viruset ndryshojnë në mënyrë të tillë, vaksinat kundër tyre duhen adaptuar po ashtu për të siguruar se ato po godasin cakun e duhur.

Francois Balloux profesor në University College London, që punoi në hulumtim, tha se të gjeturat, tani për tani, nuk përbëjnë kërcënim për vaksinën kundër Covid-19, por kërkoi për kujdes se paraqitja e vaksinës do të shtoj presion tek virusi për të pësuar mutacion në përpjekje për t’ju shmangur sistemit të imunitetit të njeriut.

Studimi i mutacionit, të gjeturat fillestare u publikuan së pari në muajin maj para se të shqyrtoheshin nga shkencëtarë të tjerë u publikua në tërësi të mërkurën në Nature Communications./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë