Ndërpritet greva e urisë në burgun e Prizrenit

Greva që kishte nisur në burgun e Prizrenit nga 20 të burgosur është ndërprerë, ka njoftuar Ministria e Drejtësisë, përkatësisht Shërbimi Korrektues i Kosovës. Në njoftim thuhet se gjendja në qendrën e paraburgimit është stabile dhe të gjithë të paraburgosurit janë në gjendje të mirë.

Të burgosurit kishin refuzuar ushqimin në shenjë proteste ndaj suspendimit të ushtruesit të detyrës së drejtorit të burgut dhe tre oficerëve korrektues. Suspendimet ishin bërë pas vdekjes në këtë burg të aktivistit të lëvizjes Vetëvendosje, Astrit Dehari. /gazetametro.net